Føroya Ráfiskakeyparafelag varð stovnað í 1967 og er eitt vinnufelag fyri føroyskar fiskaframleiðarar. Á hvørjum árið gevur Føroya Ráfiskakeyparafelag út eina ársfrágreiðing, sum lýsir gongdina í fiskivinnuni og hvørji mál felagið hevur arbeitt við undanfarna ár.
Endamál felagsins
Endamálið hjá Føroya Ráfiskakeyparafelag er at savna allar føroyskar ráfiskakeyparar til at útinna felags áhugamál og at verja áhugamál limanna. Hetta verður gjørt m.a. við :
- Kanningum
- Umboða vinnuna
- Politiska ávirkan
- Samstarv við útlendska vinnu
- Gransking og útbúgving
At arbeiða við samanberingum og standardiseringum, til frama fyri allir limirnir í felagnum. At arbeiða við nýggjum møguleikum t.d. flutningi, samstarv við aðar vinnur o.l., og spjaða hesa vitan til limirnar í felagnum. Umboða felags áhugamál hjá vinnuni m.a. yvirfyri heilsumyndugleikunum, arbeiðseftirlitinum o.ø. At ávirka tær lógir og reglugerðir, sum landsstýrið, løgting o.o. seta í verk, soleiðis at hesar tæna vinnuni. Samstarv við útlendsk áhugafeløg av sama slagi og saman við teimum vera við til at ávirka til frama fyri føroyskan fiskiídnað. Vera við til at seta granskingarverkætlaninir í gongd, sum limir í felagnum hava áhugað í. Harumframt saman við øðrum at vera við at tillaga útbúgvingartilboð til millumleiðarar og arbeiðsfólk í vinnuni.